Yuxarı
    Bağlamaq

    Baş nazirin müavini: "Azərbaycan mayda BMT-yə ilk hesabatını təqdim edəcək"

    Dayanıqlı İnkişaf Məqsədləri Proqramı inkişaf etmiş, inkişaf etməkdə olan və inkişafdan geri qalan ölkələr üçün nəzərdə tutulub

    Bakı. 8 fevral. REPORT.AZ/ "2030-cü ilə qədər BMT-nin Dayanıqlı İnkişaf Məqsədləri Proqramının həyata keçirilməsi üçün hesabatlar hazırlanacaq".

    "Report" xəbər verir ki, bunu Azərbaycan baş nazirinin müavini, Dayanıqlı İnkişaf üzrə Milli Əlaqələndirmə Şurasının sədri Əli Əhmədov bu gün Bakıda keçirilən Dayanıqlı İnkişaf üzrə Milli Əlaqələndirmə Şurasının iclasında bildirib.

    Onun sözlərinə görə, Azərbaycan may ayında BMT-nin Dayanıqlı İnkişaf Məqsədləri Proqramı üzrə ilk hesabatını təqdim edəcək: "Azərbaycanda Dayanaqlı İnkişaf Məqsədləri Proqramı ilə bağlı milli statistika BMT-nin standartlarına uyğun formalaşdırılacaq və bu standartlara uyğun 200-ə qədər hesabat hazırlanacaq. Azərbaycan qloballaşan dünyaya inteqrasiya edir. Bu gün dünyanın istənilən yerində yaşayan insanlar layiqli həyat şəraitinin necə olması barədə təsəvvürü var. Çünki dünyada KİV sürətlə inkişaf edib. Həyat şəraitini yaşadıqları ölkələrdə dəyişə bilməyən insanlar inkişaf etmiş ölkələrə, Avropaya köç edirlər. Bunun nəticəsidir ki, 2015 və 2016-cı ildə böyük köçlər olub. Bu ayrı-ayrı mədəniyyətlərin daşıyıcısı olan insanlara fərqli münasibətlər ortaya çıxarır. Ümumilikdə gələcək inkişaf üçün problemlər yaranır. Buna görə də BMT transformasiya ilə əlaqədar proqram hazırlayır. Bu layiqli həyat səviyyəsinin qurulması sahəsində mühüm proqramlardan biridir". 

    "Dayanıqlı İnkişaf Məqsədləri Proqramı inkişaf etmiş, inkişaf etməkdə olan və inkişafdan geri qalan ölkələr üçün nəzərdə tutulub. Hər kateqoriyaya daxil olan ölkələr üçün vəzifələr nəzərdə tutulub. Könüllü hesabat may ayında BMT-yə təqdim edilməlidir. Bu hesabatın hazırlanması İşçi qrupları tərəfindən həyata keçiriləcək. İqtisadiyyat Nazirliyi Dayanıqlı İnkişaf üzrə Milli Əlaqələndirmə Şurasının katibliyi kimi prosesdə öz rolunu oynayacaq. Bu, Azərbaycanın Dayanıqlı İnkişaf Məqsədləri Proqramı üzrə təqdim etdiyi ilk hesabat olacaq", - deyə baş nazirin müavini vurğulayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi