Avstriyanın eks-kansleri deputat toxunulmazlığından məhrum edilib

Avstriya Milli Şurası (parlamentin aşağı palatası) keçmiş kansler və Avstriya Xalq Partiyasının lideri Sebastyan Kurtsun deputat toxunulmazlığını ləğv edib.

"Report" "RİA Novosti"yə istinadən xəbər verir ki, deputatlar yekdilliklə bu qərarı təsdiqləyiblər.

Qeyd edək ki, oktyabrın 9-da Avstriyanın Federal Kansleri Sebastyan Kurts vəzifəsindən getdiyini açıqlayıb.

Kurts bildirib ki, Korrupsiya ilə Mübarizə üzrə Prokurorluğunun araşdırması fonunda vəzifəsindən istefa verib.

Keçmiş kansler partiyası və özünün siyasi fəaliyyətinə dair müsbət ruhlu məqalələrin dərci üçün rüşvət verməkdə ittiham olunur.