Yuxarı
    Bağlamaq

    ​Avstraliyanın İraqdakı səfirliyinin mühafizəçisi güllələnib

    34 yaşlı mühafizəçi Unity Resources Group kompaniyasının əməkdaşı imiş

    Bakı. 13 may. REPORT.AZ/ Avstraliyanın xarici işlər naziri Culi Bişop bu ölkənin İraqdakı səfirliyinin mühafizəçisinin Bağdadda öldürüldüyünü xəbər verib. "Report" "TASS" agentliyinə istinadən xəbər verir ki, Avstraliya rəsmisi bu gün 34 yaşlı mühafizəçinin öldürüldüyünü, onun "Unity Resources Group" kompaniyasının əməkdaşı olduğunu bildirib.

    Nazirliyin yaydığı açıqlamada mühafizəçinin İraqın paytaxtında səfirliyin əməkdaşlarının mühafizəsi ilə məşğul olduğu qeyd edilib.

    Xatırladaq ki, Avstraliya bir müddət əvvəl İraqdakı səfirliyinin mühafizəsi üçün bu ölkəyə silahlı dəstə göndərmişdi.  

    Ölkənin bir sıra media orqanları səfirliyin mühafizəçisinin silahlı toqquşmalardan birində güllələndiyini qeyd edib. Lakin bəzi mətbu orqanlar isə onun snayperdən aşılan atəşlə öldürüldüyünü xəbər verirlər.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi