Avstraliyada son 45 ilin rekord qarı yağıb

Avstraliyanın şərqindəki bir neçə şəhər son onilliklərin ən qalın qarı ilə örtülüb.

Bu barədə “Report” “Reuters”ə istinadən xəbər verir.

Avstraliya hava bürosunun meteoroloqu Miriam Bredberinin sözlərinə görə, keçən həftə sonu Yeni Cənubi Uels ştatında soyuq hava cəbhəsi səbəbindən 40 sm-ə qədər qar yağıb. Bu, 1980-ci ildən bəri müşahidə olunan rekord göstəricidir.

Materiala görə, hava anomaliyası daşqınlara, nəqliyyatın çökməsinə və elektrik enerjisinin kəsilməsinə də səbəb olub.