Yuxarı
    Bağlamaq

    Avstraliyada rəqib qruplar arasında toqquşma baş verib

    Islam ekstremizmi və irqçilik əleyhinə aksiya keçirən rəqib qruplar arasında toqquşma baş verib

    Bakı. 4 aprel. REPORT.AZ/ Avstraliyanın bir neçə şəhərində islam ekstremizmi və irqçilik əleyhinə aksiya keçirən rəqib qruplar arasında toqquşma baş verib.

    "Report"un BBC-yə istinadən verdiyi xəbərə görə, miqyasına görə ölkənin ikinçi şəhəri hesab olan Melburnda polis nümayişin gedişatına qarışıb. Bir neçə aksiya iştirakçısının saxlanıldığı bildirilir.

    Nümayişlərə ilk çağırış Avstraliya dəyərlərinin keşiyində durduğunu deyən “Reclaim Australia” hərəkatı tərəfindən səslənib. Hərəkat öz tərəfdarlarını ölkənin "islamlaşmasına" yol verməməyə çağırır.

    “Reclaim Australia” İslam əleyhinə olmadığını bəyan edir. Hərçənd ki, rəqib aksiya iştirakçıları bu hərəkatı antimüsəlman hisslərini qızışdırmaqda və İslam əleyhinə stereotiplər yaymaqda suçlayırlar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi