Yuxarı
    Bağlamaq

    ​Avstraliyada məsciddə müəmmalı yanğın baş verib

    Sakinlər bildiriblər ki, onlar məscidin alışdığını gördükdən sonra partlayış səsi də eşidiblər

    Bakı. 18 may. REPORT. AZ / Avstraliyanın Viktoriya ştatının Cilonq şəhərinin mərkəzi məscidində müəmmalı yanğın baş verib. "Report" xəbər verir ki, bu barədə "ABC" telekanalı məlumat yayıb.

    Telekanalın xəbərinə görə, alov qısa zamanda məscidi bürüyüb. Güclü alov məscidin damını tamamilə məhv edib. Yanğın hadisəsi zamanı heç kim xəsarət almayıb.

    Yerli yanğınsöndürmə xidmətinin rəhbəri Mark Sinkinson məscidin damının uçması təhlükəsi səbəbindən yanğınsöndürənlərin onun içinə girmədiklərini deyib. O, yanğının qəsdən törədildiyini istisna etməyib. Lakin buna baxmayaraq bu məsələ haqda yekun rəyin polislə birgə təhqiqatdan sonra verməyin mümkün olduğunu vurğulayıb.

    Yaxınlıqda yaşayan sakinlər isə bildiriblər ki, onlar məscidin alışdığını gördükdən sonra partlayış səsi də eşidiblər.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi