Yuxarı

Avstraliyada iki şəxs həbs edilib

Bu həbslər sentyabr ayında Sidney və Brisbeyndə keçirilən polis reydləri ilə əlaqələndirilib.

Bakı. 24 dekabr. REPORT.AZ/ Avstraliya rəsmiləri geniş terrorizmlə bağlı istintaqın bir hissəsi olaraq iki şəxsi həbs edib.

"Report" Amerikanın Səsi-nə istinadən xəbər verir ki, çərşənbə günü 20 yaşlı Süleyman Xalid "terror hücumlarını asanlaşdıran sənədlərə sahib olmaqda" ittiham olunub. Digər adı açıqlanmayan 21 yaşlı gənc isə polisə tabe olmamaqda ittiham olunub.

Bu həbslər sentyabr ayında Sidney və Brisbeyndə keçirilən polis reydləri ilə əlaqələndirilib. Ümumilikdə reydlər zamanı 11 nəfər həbs olunub və terrorla bağlı cinayətlərdə ittiham olunublar.

Avstaliya federal polis rəisi Maykl Felan bildirib ki, Süleyman Xaliddən ələ keçirilən sənədlərdə Sidneydə yerləşən “bəzi dövlət hədəfləri haqda məlumat mövcuddur”, lakin hücumların dəqiq zamanı ilə bağlı heç bir məlumat yoxdur.

“Mən çox detal vermək istəmirəm, amma bu sənədlərdə bizi kifayət qədər narahat edən məlumat var idi, ona görə də biz bu insanı hücumu asanlaşdıran sənədə sahib olmaqda ittiham edirik.”

Felan həmçinin rəsmilərin terrorçuların fəaliyyətinin qarşısını aldıqlarına inanır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi