Avstraliya Qırmızı dənizə hərbi gəmi göndərə bilər

Avstraliya hakimiyyəti bölgədəki ticarət gəmilərinə husilərin hücumlarının artması səbəbindən ABŞ-nin Qırmızı dənizə hərbi gəmi göndərmək müraciətini nəzərdən keçirir.

“Report” xəbər verir ki, bu barədə Avstraliyanın ABC News televiziyası məlumat yayıb.

Avstraliyanın müdafiə naziri Riçard Marlesin sözlərinə görə, Vaşinqtonun müraciətinin nəzərdən keçirilməsinə baxmayaraq, ölkəsi öz regionunda dəniz təhlükəsizliyi səylərinə diqqəti davam etdirəcək.

Xatırladaq ki, ötən gün ABŞ Müdafiə Nazirliyinin sözçüsü Pet Rayder bildirmişdi ki, beynəlxalq ictimaiyyət Qırmızı dənizdə gəmilərin mühafizəsi üzrə işçi qrupun işini dəstəkləməlidir.