Avropa Komissiyası ABŞ-nin ticarət rüsumları ilə bağlı yekun qərarını gözləyir

Avropa Komissiyası ABŞ-nin ticarət rüsumlarına cavab tədbirlərini yalnız Vaşinqton öz yekun qərarını elan etdikdən sonra açıqlayacaq.

“Report” xarici KİV-ə istinadən xəbər verir ki, bunu Avropa Komissiyasının nümayəndəsi Olof Cill Brüsseldə keçirilən brifinqdə bildirib.

"Biz hələ də Vaşinqtonun bu axşam qəbul edəcəyi yekun qərarın nə olacağını bilmirik. Mümkün nəticələri diqqətlə təhlil edirik, lakin bu barədə danışmaq üçün hələ çox tezdir", - o vurğulayıb.

Daha əvvəl bildirilmişdi ki, ABŞ Prezidenti Donald Trampın administrasiyası Avropa mallarına qarşı ikinci ticarət rüsumları paketini aprelin 2-də elan edəcək.

Vaşinqton artıq Avropa polad, alüminium, avtomobil və onun ehtiyat hissələrinə 25 % rüsum tətbiq edib.