Avrokomissiya sanksiyalardan yayınmağa görə aktivlərin müsadirə olunmasını təklif edib

Avropa Komissiyası Avropa İttifaqı (Aİ) sanksiyalarından yayınmaq cəhdləri qarşısında aktivlərin müsadirə olunmasını təklif edib.

“Report” xəbər verir ki, bu barədə ədliyyə üzrə avrokomissar Didye Reynders bildirib.

“Biz sanksiyalardan yayınmaq cəhdləri olarkən məhkəmə qərarı ilə aktivlərin müsadirəsinə icazə verilməsini təklif edirik”, - siyasətçi Brüsseldə keçirdiyi mətbuat konfransında deyib.

Onun sözlərinə görə, sanksiyaya məruz qalan şəxslər Aİ dövlətlərinin qanunlarındakı fərqlərdən istifadə edərək sanksiyalardan yayınmaq imkanına malikdirlər.