Argentina Prezidenti: “Malvin adalarının statusu Britaniya ilə müzakirə olunacaq”

“Folklend adalarının (Malvin adalarının) statusu Böyük Britaniya ilə gələcək diplomatik danışıqlar zamanı müzakirə olunacaq”.

"Report"un məlumatına görə, bunu Argentina Prezidenti Xavyer Miley Böyük Britaniyanın xarici işlər naziri Devid Kemeronla danışıqlardan sonra deyib.

"Biz Malvin adaları mövzusunu müzakirə etdik. Bu, gələcək diplomatik danışıqlar üçün bir məsələdir", - Argentina lideri Davosda Dünya İqtisadi Forumu çərçivəsində “Sky News”un jurnalistinin sualını cavablandırarkən deyib.

Bundan əvvəl Britaniya Xarici İşlər Nazirliyi Miley və Kemeronun görüşü barədə məlumat yayıb. Bəyanatda məlum olur ki, tərəflər ticarət, təhsil və mədəniyyət sahələrində qarşılıqlı əlaqələrin gücləndirilməsini də müzakirə ediblər.