Arevalonun Qvatemaladakı prezident seçkilərində qələbəsi təsdiqlənib

Qvatemala Ali Seçki Məhkəməsi sol mərkəzçi "The Seed" hərəkatının nümayəndəsi Bernardo Arevalonun prezident seçkilərində qələbəsini təsdiqləyib.

"Report" xəbər verir ki, bu barədə TASS məlumat yayıb.

Qeyd edək ki, Arevalonun rəqibi, mərkəzçi Milli Ümid İttifaqı partiyasının namizədi Sandra Torres onun nümayəndələrinin bir çox seçki məntəqələrində səslərin hesablanması zamanı pozuntular aşkar etdiyini bildirib. O, Ali Seçki Məhkəməsinə apellyasiya şikayəti verib.

Qvatemalada avqustun 20-də keçirilən prezident seçkilərinin ikinci turunda Arevalo 2,38 milyondan çox səs toplayıb. Torres isə 1,46 milyon nəfərin etimadını qazanıb.

Arevalo seçki ilindən sonrakı ilin yanvarın 14-də vəzifəsinin icrasına başlayır.