Bakı. 12 yanvar. REPORT.AZ/ Aralıq dənizində Rixter şkalası üzrə 3,8 bal gücündə zəlzələ baş verib.
"Report" xəbər verir ki, bu barədə "Habertürk" məlumat yayıb.
Məlumata görə, yeraltı təkanlar yerli vaxtla saat 18:14-də qeydə alınıb. Zəlzələ ocağı Türkiyənin Antalya şəhərində, 44 kilometr dərinlikdə yerləşib.
Yeraltı təkanlar Antalyanın bir sıra ərazilərində hiss edilib.
Dağıntı və ya tələfat barəsində məlumat verilmir.