AP: Pentaqon mülki işçilərin sayını 50 min nəfər azaldacaq

ABŞ Müdafiə Nazirliyi büdcə xərclərini azaltmaq üçün 50-60 min mülki işçinin ixtisarını planlaşdırır.

“Report” xəbər verir ki, bu barədə Pentaqon nümayəndəsinin bəyanatına istinadən “Associated Press” agentliyi məlumat yayıb.

Məlumata görə, bu addım Pentaqonda mülki işçilərin 8 % azaldılması planı çərçivəsində atılıb.

Qeyd olunub ki, boşalan yerlərə hərbçilər təyin edilməyəcək, çünki müdafiə naziri Pit Heqset ABŞ Silahlı Qüvvələrinin döyüş hazırlığından əmin olmaq istəyir.

“The Washington Post” qəzeti əvvəllər xəbər vermişdi ki, Heqset növbəti beş il ərzində hərbi qurumun büdcəsinin hər il 8 % azaldılması planının hazırlanması barədə göstəriş verib.