Yuxarı

Angela Merkel miqrantlarla bağlı əldə olunan razılıqdan məmnundur

AB üzvləri beynəlxalq yardım agentliklərinə 1,1 milyard dollar ianə edəcək

Bakı. 17 sentyabr. REPORT.AZ/ Almaniya kansleri Angela Merkel Suriyadakı zorakılıqlardan qaçan miqrantlarla bağlı qətnamənin Birləşmiş Ştatlar, Rusiya və Yaxın Şərqin köməkliyi ilə həyata keçəcəyini deyir.

“Report” Amerikanın səsinə istinadən xəbər verir ki, Merkel digər Avropa Birliyi liderləri ilə əldə olunan razılıqdan qane olduğunu bildirir. Razılığa əsasən Avropa Birliyi üzvləri ölkələrinin yaxınlığında yerləşən düşərgələrdə qaçqınlara yardım edən beynəlxalq yardım agentliklərinə 1,1 milyard dollar ianə edəcəklər.

Cümə axşamı kansler Merkel Almaniya parlamentində qaçqın böhranı ilə bağlı çıxış edib. Almaniya ən çox qaçqın qəbul edən ölkədir.

Bu razılıq cümə axşamı Brüsseldə başa çatan fövqəladə zirvə görüşündə əldə olunub.

Avropa Birliyinə üzv 28 ölkə Livan, İordaniya və Türkiyə kimi milyonlarla suriyalı qaçqını qəbul edən ölkələrə yardımı artırmaq qərarına gəlib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi