Bakı. 14 mart. REPORT.AZ/ ABŞ xüsusi xidmət orqanlarının səyləri nəticəsində terrorçu "əş-Şabab" qruplaşmasının liderlərindən biri Somalidə qətlə yetirib.
"Report"un "TASS"a istinadən verdiyi xəbərə görə, Adnan Qaraar adlı bu şəxs 2013-cü ildə Keniyanın paytaxtı Nayrobi şəhərində 67 nəfərin ölümü ilə nəticələnən terror aktının təşkilatçısı hesab olunurdu.
Bildirilir ki, aralarında Qaraarın da olduğu bir neçə "əş-Şabab" üzvü raket zərbəsi nəticəsində öldürülüb.
Qeyd edək ki, ABŞ hərbçiləri yanvarın sonunda oxşar üsulla "əş-Şabab" qruplaşmasının kəşfiyyat bölməsinin rəhbəri Yusif Dikanı məhv etmişdi.