Almaniyanın müdafiə naziri Ukraynada səfərdədir

Almaniyanın müdafiə naziri Boris Pistorius Ukraynanın paytaxtı Kiyevə gəlib.

“Report” xəbər verir ki, bu barədə xarici KİV məlumat yayıb.

O, səfər çərçivəsində Ukrayna Prezidenti Volodimir Zelenski və bu ölkənin müdafiə naziri Rustem Umerov ilə görüşəcək.

Bu, B.Pistoriusun bu ilin yanvarında müdafiə naziri vəzifəsinə təyin edildikdən sonra Kiyevə ikinci səfəridir. Daha əvvəl o, fevral ayında Ukraynaya səfər edib.