Almaniyada sel nəticəsində 42 nəfər ölüb - YENİLƏNİB

Almaniyada daşqınlar nəticəsində ölənlərin sayı 42 nəfər yüksəlib.

“Report” AFP-ə istinadən xəbər verir ki, bunu polis idarəsindən bildiriblər.

Bildirilib ki, onlarla şəxs itkin düşüb, 70 nəfər yaralanıb.

Məlumata görə, iyulun 12-dən fasiləsiz yağan leysan yağışlar Almaniyanın qərb və cənub-qərb bölgələrində daşqınlar yaradıb.

Uzunmüddətli yağış səbəbindən Almaniyanın Adenau şəhərində 6 evin uçması nəticəsində azı 30 nəfər itkin düşmüş hesab olunur.

“Report” TASS-a istinadən xəbər verir ki, daha 25 evin uçma təhlükəsi var.

Polis nümayəndəsinin məlumatına görə, itkin düşmüş şəxslərin dəqiq sayı hələ məlum deyil.