Almaniyada peyvənd olunan 14 nəfər “Britaniya” ştammına yoluxdu

Almaniyada qocalar evinin sakinləri yeni növ koronavirus infeksiyasına qarşı peyvənd olunsalar da virusun “Britaniya” ştammına yoluxublar.

Bu barədə “Report” “TASS”a istinadən xəbər verir.

Osnabryuk bölgəsi səlahiyyətliləri tərəfindən açıqlanan şərhə görə, hadisə Belm kommunasında (Aşağı Saksoniya federal əyaləti - Red) baş verib.

Bildirilib ki, qocalar evinin sakinlərinə peyvəndin hər iki dozası vurulsa da onlarda COVID-19-un yeni ştammı aşkar edilib.

Qocalar evinin bütün işçiləri və onların ailələri karantinə alınıb.