Almaniyada 29 mindən çox COVID-19 xəstəsi aşkar edilib

Almaniyada sutka ərzində 29 518 koronavirus xəstəsi aşkar edilib, 259 nəfər ölüb.

“Report” xəbər verir ki, bu barədə məlumatı Almaniyanın səhiyyə nazirliyinin Robert Kox İnstitutu yayıb.

Bir gün əvvəl xəstə sayı 24 884 nəfər təşkil edib, 331 nəfər dünyasını dəyişib.

İnstitutun məlumatına görə, Almaniyada epidemiyanın başlanğıcından bəri 3 217 710 nəfər koronavirusa yoluxub, 80 893 xəstə ölüb.

Hazırda Almaniyada koronavirusun üçüncü dalğası barədə danışırlar.