Almaniya və Fransa XİN başçıları Ukraynaya yola düşüb

Bakı. 22 fevral. REPORT.AZ/ Ukraynanın şərqindəki münaqişənin həlli ilə bağlı "Normand dördlüyü"nün növbəti görüşü martın 3-də Parisdə baş tutacaq. "Report" Ukrayna KİV-inə istinadən xəbər verir ki, bu barədə Fransa xarici işlər naziri Jan-Mark Eyro məlumat verib.

Görüşdə Almaniya, Fransa, Rusiya və Ukraynanın xarici işlər nazirləri iştirak edəcəklər.

Bu gün Almaniyanın xarici işlər nazirləri Frank-Valter Ştaynmayer və onun fransız həmkarı J-M.Eyro Kiyevə yollanıb. Onlar fevralın 22-23-də Ukrayna rəhbərliyi ilə danışıqlar aparacaq.