Yuxarı

Almaniya və Fransa tərəfləri Ukraynanın şərqində atəşkəsə çağırır

Apreldən bəri münaqişədə 5.100 nəfər həlak olub

Bakı. 2 fevral. REPORT.AZ/ Fransa prezidenti Fransua Olland, Almaniya kansleri Angela Merkel və Ukrayna prezidenti Pyotr Poroşenko Ukraynanın şərqində təcili atəşkəsə çağırıblar.

"Report" Azadlıq radiosuna istinadən xəbər verir ki, üç lider telefon söhbətində Ukrayna əsgərləri ilə rusiyapərəst yaraqlılar arasında son döyüşləri müzakirə ediblər. Onlar Minsk danışıqlarının baş tutmamasından təəssüfləndiklərini bildiriblər. Məlumatı Fransa prezidentinin administrasiyası yayıb.

Son günlər hökumətin nəzarətində olan Debaltsevo şəhərinin içində və ətrafında döyüşlər güclənib. Yaraqlılar Ukrayna hərbçilərini mühasirəyə almağa çalışır.

Ukrayna ordusu fevralın 1-də bildirib ki, Debaltseve və münaqişə gedən digər yerlərdə son 24 saat ərzində 13 əsgər ölüb, 20-si yaralanıb. Azı, 17 dinc sakinin də öldüyü bildirilir.

Apreldən bəri münaqişədə 5100 nəfər həlak olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi