Almaniya Ukraynaya daha bir hərbi yardım paketini verib

Almaniya hökuməti Ukraynaya daha bir hərbi yardım paketini verib.

Bu barədə "Report" Almaniya hökumətinin rəsmi internet səhifəsinə istinadən xəbər verir.

Yardım paketinə 10 ədəd “Leopard 1A5” döyüş tankı, 1 ədəd “TRML-4D radar qurğusu, kəşfiyyat üçün 16 pilotsuz kompleks cihazı, dörd HX81 tank daşıyıcısı və 13 milyondan çox silah sursat daxildir.

Hökumətin məlumatına görə, silah təchizatı Almaniya təhlükəsizlik fondları tərəfindən maliyyələşdirilən sənaye ehtiyatlarından edilib.