Almaniya Silahlı Qüvvələri üçün 2,1 milyard avroya peyk alacaq

Almaniya OHB SE şirkətindən Silahlı Qüvvələri üçün 2,1 milyard avro dəyərində üç peyk almağı planlaşdırır.

“Report”un məlumatına görə, bu barədə “Bloomberg” agentliyi mənbələrə istinadən xəbər verib.

Onların sözlərinə görə, qanunvericilərin bu məsələ ilə bağlı iyunun 12-də səs verəcəyi gözlənilir. Parlamentarilər həmçinin müdafiəni gücləndirmək üçün təxminən 3 milyard avroya başa gələn iki F126 sinifli freqatın alınmasına icazə verə bilərlər.