Almaniya sığınacağın verilməsi qaydalarını sərtləşdirir

Bakı. 29 sentyabr. REPORT.AZ/Almaniya hökuməti sığınacağın verilməsi qaydalarını sərtləşdirən qanun layihəsini təsdiqləyib.

“Report”un BBC-yə istinadən verdiyi xəbərə görə, sənəd parlament tərəfindən təsdiqləndiyi təqdirdə Almaniyanın "təhlükəsiz ölkələrə" aid etdiyi Kosovo, Monteneqro, Albaniya və Bosniya vətəndaşları sığınacaq üçün müraciət etmək haqqından məhrum olunacaq.

Almaniyanın daxili işlər naziri bu sahədə sadələşdirilmiş şəkildə qərar qəbul etməyə imkan verən qanunların hazırlanmasına səsləyib.

Thomas de Maizière-in təklifinə əsasən, hekayəsi inandırıcı səslənməyən hər bir miqrantı sərhəddə saxlayıb deportasiya etmək imkanı verilməlidir.