Almaniya müttəfiqləri ilə “Leopard”ların Ukraynaya tədarükünü müzakirə edir

“Almaniya müttəfiqləri ilə “Leopard” tanklarının Ukraynaya mümkün tədarükünü müzakirə edir”.

“Report” xəbər verir ki, bunu Almaniyanın kansleri Olaf Şolts bəyan edib.

“Mən həmişə vəziyyət haqqında düşünürəm. Biz həmişə müttəfiqlərimiz və dostlarımızla birlikdə hərəkət edirik, heç vaxt təkbaşına hərəkət etmirik”, - deyə kansler vurğulayıb.

Kansler həmçinin qeyd edib ki, ölkəsi Ukraynanı “zəruri olduğu müddətdə və istifadə edə biləcəyi bütün vasitələrlə” dəstəkləyir.

“Hazırda əsas məqsədlərdən biri Rusiya ilə NATO arasında müharibənin qarşısını almaqdır”.

Qeyd edək ki, digər ölkələrin Ukraynaya Leopard tədarük edib-etməyəcəyi Almaniya hökumətindən asılıdır, çünki bu, müvafiq icazə tələb edir.