Almaniya müdafiə xərclərini rekord həddə çatdırıb

Almaniya hökuməti bu il müdafiə xərclərini rekord - 53,03 milyard avroya çatdırmaq niyyətindədir ki, bu da keçən ildəkindən 3,2% çoxdur.

“Report”un məlumatına görə, bu barədə “DPA” agentliyi Almaniyanın NATO-ya təqdim etdiyi sənədə istinadən xəbər verib.

“NATO ümid edir ki, Almaniya kimi ölkələr tərəfindən xərclərin artırılması, ittifaqın yükünün ədalətli bölüşdürülməsini tələb edən ABŞ-la fikir ayrılıqlarının həllinə kömək edəcək”-deyə, nəşr bildirib.

Qeyd edək ki, 2020-ci ildə Almaniyanın müdafiə xərcləri 51,39 milyard avro olub. Bu, ÜDM-nin 1,57% -ni təşkil edib.