Almaniya daha 20 ədəd “Eurofighter” qırıcısı alacaq

Almaniya daha 20 ədəd “Eurofighter” qırıcısı almağa hazırlaşır.

"Report" TASS-a istinadən xəbər verir ki, bunu Almaniya Kansleri Olaf Şolts ILA aviasalonunda deyib.

"Biz artıq sifariş edilmiş 38 təyyarəyə əlavə olaraq 20 ədəd “Eurofighter” qırıcısı alacağıq”, - o bildirib.

Kansler onların çatdırılma tarixini açıqlamayıb.

Qeyd edək ki, hazırda Almaniyada 138 “Eurofighter” qırıcısı var.