Yuxarı
    Bağlamaq

    ​"AirAsia"nın qırıntılarının aşkarlandığı iddia olunur

    Həmin hissələrin təyyarəyə aid olduğu hələlik təsdiqlənməyib

    Bakı. 29 dekabr. REPORT.AZ/ "AirAsia"nın qəzaya uğradığı ərazidə təyyarənin qırıntıları aşkarlanıb.

    "Report" "Assosiated Press"ə istinadən xəbər verir ki, qırıntılar Avstraliya təyyarəçiləri kəşfiyyat-axtarış əməliyyatı həyata keçirərkən tapılıb.

    Aviasiya bazasının İndoneziyanın paytaxtı Cakartadakı rəisinin sözlərinə görə, ona qırıntıların Nanqka adası yaxınlığında aşkar edildiyini söyləyiblər: "Bununla belə, biz həmin hissələrin "AirAsia" təyyarəsinə aid olduğuna əmin deyilik. Həmin rayonda güclü duman olsa da, bu istiqamətdə hərəkət edirik".

    Xatırladaq ki, bir müddət öncə təyyarənin dənizin dibində olduğuna dair məlumat yayılmışdı. Axtarış işləri İndoneziyanın Belitunq adasında aparılır. "AirbusA320-200" Surabaydan Sinqapura hərəkət edirmiş. Təyyarənin göyərtəsində 162 sərnişin olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi