Aİ Kiyevə 4 milyard avrodan çox tranş ayıracaq

Avropa İttifaqının (Aİ) səfirləri Ukraynaya 4,2 milyard avroluq tranşın ayrılması ilə bağlı razılığa gəliblər.

“Report” TASS-a istinadən xəbər verir ki, bu barədə Avropa İttifaqı Şurası məlumat yayıb.

Yaxın vaxtlarda bu tranş təsdiqlənəcək.

“Aİ səfirləri Ukraynaya dəstək fondundan təqribən 4,2 milyard avro məbləğində tranşın ödənilməsini təsdiqləyiblər. Növbəti addım bu qərarın Aİ Şurası tərəfindən yazılı prosedur üzrə təsdiqlənməsi olacaq”, - bəyanatda bildirilib.

Yazılı prosedura əsasən, Aİ Şurası müzakirəsi nəzərdə tutulmayan qərarları təsdiq edir.