Aİ rəsmisi: "Suriyadakı seçki demokratik dəyərlərə cavab verməyib"

“Avropa İttifaqı hesab edir ki, Suriyada keçirilən prezident seçkisi demokratik dəyərlərə cavab verməyib və ölkədəki münaqişəni həll etməyə şərait yaratmayacaq”.

“Report” “RİA Novosti”yə istinadən Avropa İttifaqının (Aİ) xarici və təhlükəsizlik məsələləri üzrə ali nümayəndəsi Cozef Borel mayın 26-da Suriyada Bəşşar Əsəd rejiminin keçirdiyi prezident seçkisini şərh edərkən bildirib.

“Suriyada mayın 26-da keçirilən seçki demokratik səsvermə kriteriyalarının heç birinə cavab verməyib və münaqişənin tənzimlənməsinə töhfə verməyəcək”, - o vurğulayıb.