Avropa İttifaqının (Aİ) ölkələrinin daimi nümayəndələri bu gün keçirilən iclasda Rusiyaya qarşı yeni sanksiyalar rejimi ilə bağlı razılığa gəliblər.
"Report" xarici KİV-ə istinadən xəbər verir ki, bu barədə Avropa mənbəsi məlumat yayıb.
Bildirilib ki, sanksiyalar Aİ Şurasının mayın 27-də keçiriləcək iclasında təsdiq ediləcək.
Bu qərarın Aİ Şurası tərəfindən yekun təsdiqindən sonra yeni məhdudiyyətlərə cəlb edilən ilk fiziki şəxslərin və təşkilatların ad siyahısı görünə bilər. Bu cür sanksiyalar Aİ-də iştirak edənlərin aktivlərinin dondurulmasını və səyahət qadağasını nəzərdə tutur.