Aİ komissarı tarifləri müzakirə etmək üçün ABŞ-yə gedəcək

Aİ komissarı tarifləri müzakirə etmək üçün ABŞ-yə gedəcək Avropa İttifaqının ticarət komissarı Maroş Şefçoviç aprelin 14-də Donald Tramp administrasiyasının elan etdiyi tarifləri müzakirə etmək üçün Vaşinqtona səfər edəcək.
Digər ölkələr
11 aprel 2025 20:15
Aİ komissarı tarifləri müzakirə etmək üçün ABŞ-yə gedəcək

Avropa İttifaqının (Aİ) ticarət komissarı Maroş Şefçoviç aprelin 14-də Donald Tramp administrasiyasının elan etdiyi tarifləri müzakirə etmək üçün Vaşinqtona səfər edəcək.

“Report” “Politico”ya istinadən xəbər verir ki, bu barədə aprelin 11-də keçirdiyi brifinqdə Avropa Komissiyasının nümayəndəsi Olof Hill məlumat verib.

“Təklifimiz amerikalı dostlarımızla tariflərin “sıfıra sıfır” səviyyəsinə endirilməsidir”, - Hill deyib.

Şefçoviçin aprelin 14-də amerikalı həmkarları ilə danışıqlar aparmaq üçün ABŞ-yə səfəri onun Trampın ikinci prezidentliyi dövründə okeanın o tayına üçüncü səfəri olacaq.

Xatırladaq ki, ABŞ Prezidenti Donald Tramp aprelin 9-da dünyanın əksər ölkələrinə qarşı elan etdiyi görünməmiş tarifləri 90 gün müddətinə dayandırdığını açıqlamışdı.

Buna cavab olaraq Aİ də ABŞ-yə qarşı əks tədbirlərini təxirə salıb.

Eyni zamanda, ABŞ qlobal idxala 10 faizlik ümumi rüsumu saxlayır, həmçinin polad, alüminium və avtomobillərə 25 faizlik rüsum tətbiq edir.

Orphus sistemi