Ağ Evdə “Hizbullah”ın İsrailə mümkün hücumu müzakirə edilir

Livanın “Hizbullah” qruplaşması Fələstinin radikal HƏMAS hərəkatına qoşulub İsrailə hücum edəcəyi təqdirdə Ağ Evdə hərbi gücdən istifadənin mümkünlüyü müzakirə edilir.

“Report” xəbər verir ki, bu barədə “Axios” portalı mənbələrə istinadən məlumat yayıb.

Qeyd olunub ki, son günlər Ağ Evdə yüksək rütbəli rəsmilərin bir neçə görüşündə “Hizbullah”ın hücumu zamanı ABŞ hərbi gücündən istifadə imkanları müzakirə olunub.

Lakin güc tətbiqi ilə bağlı qərar qruplaşmanın hücumunun miqyasından və İsrailin cavab vermək qabiliyyətindən asılı olaraq veriləcək.