Yuxarı
    Bağlamaq

    Ağ Evin qarşısındakı atışma nəticəsində bir nəfər yaralanıb

    Silahlı şəxs ağır vəziyyətdə xəstəxanaya çatdırılıb

    Bakı. 21 May. REPORT.AZ/ ABŞ paytaxtında, Ağ Evin qarşısında baş vermiş atışma nəticəsində bir nəfər yaralanıb. "Report"un xəbər verir ki, bu haqda "The Washington Post qəzeti"nin elektron versiyası məlumat yayıb.

    Məlumata görə, ABŞ Prezidentinin Məxfi Xidmətinin əməkdaşının Ağ Evin binasının yaxınlığındakı buraxılış məntəqəsində güllələdiyi silahlı şəxs ağır vəziyyətdə xəstəxanaya çatdırılıb. 

    Prezident Barak Obamanın paytaxtda olmadığı, Endryus hərbi hava bazasında qolf oynadığı bildirilir. Lakin vitse-prezident Co Bayden hadisə zamanı işdə olub. 

    Hüquq-mühafizə orqanları hadisə yerinə cəlb olunub. Ağ Evin damına snayperlər yerləşdirilib.

    "USA Today" qəzetinin məlumatına görə atəş səsləri təxminən, dövlət başçısının işçi iqamətgahının və Duayt Eyzenhauerin icraçı ofisinin binası yaxınlığında eşidilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi