Ağ ev: ABŞ-ın Bəşər Əsədlə bağlı mövqeyi dəyişilməz qalıb

Bakı. 28 noyabr. REPORT.AZ/ ABŞ Prezidenti Donald Tramp Administrasiyasının Suriya Prezidenti Bəşər Əsədlə bağlı mövqeyi dəyişilməyib.

"Report" TASS-a istinadən xəbər verir ki, bu barədə Ağ evin mətbuat katibi Sara Sanders deyib.

Qeyd edək ki, Suriya münaqişəinə dair danışıqlarda müxalif qüvvələr ölkədəki siyasi dəyişiklikləri Bəşər Əsədin hakimiyyətdən getməsi ilə bağlayır. Onlar analoji tələblə Ceverədə baş tutacaq ümumsuriya danışıqlarının növbəti raundu ərəfəsində çıxış edib.

ABŞ-ın dövlət katibi Reks Tillerson keçid dövrü başlayanadək B.Əsədin hakimiyyətdən getməsinə israr etmədiyini açıqlayıb. Bununla belə, o, Əsəd rejiminin gələcəyinin olmadığını da vurğulayıb.