Ağ Ev: “ABŞ defolt şəraitində belə Ukraynaya yardım göstərməyə davam edəcək”

ABŞ, hətta defolt şəraitində belə, artıq ayrılmış maliyyə vəsaiti hesabına cari maliyyə ilinin sonuna qədər Ukraynaya yardım göstərmək imkanını saxlayacaq.

“Report” xəbər verir ki, bu barədə Ağ Evin Milli Təhlükəsizlik Şurasının sözçüsü Con Kirbi brifinqdə bildirib.

Onun sözlərinə görə, Ukraynaya dəstək üçün vəsait Konqres tərəfindən hələ ötən il ayrılıb.