ABŞ yüzlərlə YPG/PKK terrorçusuna təlim keçir

ABŞ xüsusi xidmət orqanları Suriyanın şimal-şərqindəki Hasake vilayətində yüzlərlə YPG/PKK terrorçusuna təlim keçir.

“Report” “Habertürk”ə istinadən xəbər verir ki, terrorçulara silahla davranış qaydaları öyrədilir.

Yerli mənbələrin məlumatına görə, ABŞ bu məqsədlə Hasake vilayətinə 70 nəfərlik heyət göndərib.

Təlimlərin təxminən bir ay davam edəcəyi bildirilib.

Qeyd edək ki, ABŞ və Fransa Hasake və Deyr-əz-Zor ərazilərində terrorçulara bundan əvvəl də müxtəlif təlimlər keçiblər.