Bakı. 25 dekabr. REPORT.AZ/ "Bu həftə ABŞ və Türkiyənin yüksək rütbəli hərbçiləri arasında görüş olmalıdır".
"Report" RİA "Novosti"yə istinadən xəbər verir ki, bu barədə Pentaqon nümayəndəsi Hezer Babb bildirib.
Qeyd olunur ki, görüşdə Suriyanın şimal-şərqindəki vəziyyətin, eləcə də təhlükəsizlik məsələlərinin müzakirə ediləcəyi planlaşdırılır.
"Bu həftə Türkiyədə görüşlər olacağını təsdiqləyə bilərəm. ABŞ və Türkiyə həm rəsmi Ankaranın təhlükəsizliyi, həm də Suriyanın şimal-şərqindəki vəziyyətlə bağlı bütün məsələləri aktiv şəkildə koordinasiya edir. Bu müzakirələrin detallarına varmayacağam", - o deyib.
Qeyd edək ki, daha əvvəl Türkiyə Prezidenti Rəcəb Tayyib Ərdoğanın amerikalı həmkarı Donald Trampı 2019-cu ildə Türkiyəyə səfərə dəvət etdiyi məlum olub.