ABŞ Ukraynaya 300 milyon dollarlıq yeni hərbi yardım paketi ayırıb

ABŞ Dövlət Departamenti və Pentaqon Kiyevə 300 milyon dollarlıq yeni hərbi yardım paketinin ayrıldığını açıqlayıb.

"Report" TASS-a istinadən xəbər verir ki, yeni paketə HIMARS reaktiv yaylım atəşi sistemləri, Hydra 70 raketləri, artilleriya mərmiləri və tank əleyhinə sistemlər üçün sursatlar daxildir.

Eyni zamanda ABŞ dövlət katibi Entoni Blinken Ukrayna üçün silah və sursat üçün 300 milyon dollar ayrılmasını təsdiqlədiyini bildirib.