ABŞ Türkiyəyə qarşı sanksiyaların bütün variantlarını araşdırır

ABŞ Türkiyəyə qarşı sanksiyaların bütün variantlarını araşdırır ABŞ rəhbərliyi, Rusiyadan S-400 zenit-raket sistemləri (ZRS) aldığına görə Türkiyəyə qarşı tətbiq oluna biləcək mümkün sanksiyaların bütün variantlarını nəzərdən keçirir.
Digər ölkələr
13 Sentyabr , 2019 06:39
ABŞ Türkiyəyə qarşı sanksiyaların bütün variantlarını araşdırır

ABŞ rəhbərliyi, Rusiyadan "S-400" zenit-raket sistemləri (ZRS) aldığına görə Türkiyəyə qarşı tətbiq oluna biləcək mümkün sanksiyaların bütün variantlarını nəzərdən keçirir.

"Report" TASS-a istinadən xəbər verir ki, bunu cümə axşamı bir qrup jurnalistlə görüşündə ABŞ Dövlət katibinin hərbi-siyasi məsələlər üzrə köməkçisi Klark Kuper deyib.

O, ABŞ-ın bu mövzuda qərarının nə vaxt gözlənildiyini açıqlamayıb. Kuperin sözlərinə görə, ABŞ hakimiyyəti Türkiyəyə qarşı məhdudiyyətlərin tətbiq edilməsi üçün heç bir müddət təyin etməyib.

"Bütün bunlar təqvimə deyil, müəyyən şərtlərə əsaslanır. Amerika qanunvericiliyi ilə sanksiyalarla əlaqədar müəyyən edilmiş cədvəl yoxdur. Lakin, əlbəttə ki, cavab tədbirləri (Türkiyənin Rusiyadan S-400 almasına) reaksiya baxımından bütün fəaliyyət variantları nəzərdən keçirilir", - deyə ABŞ xarici siyasət idarəsi rəsmisi bildirib.

Orphus sistemi