ABŞ Tayvana 38 ədəd “Abrams” tankı tədarük edib

ABŞ Tayvana M1A2T modifikasiyalı “Abrams” tanklarının 38 ədəddən ibarət ilk partiyasını tədarük edib.

“Report” xəbər verir ki, bu barədə “Agence France-Presse” Tayvanın Müdafiə Nazirliyinə istinadən məlumat yayıb.

42 tank 2025-ci ildə, 28 döyüş maşınından ibarət sonuncu partiya isə 2026-cı ildə tədarük olunacaq.

Tayvana 2,2 milyard dollar dəyərində 108 ədəd M1A2T “Abrams” tankının satılması ABŞ Dövlət Departamenti tərəfindən 2019-cu ildə təsdiqlənib.

Hazırda Tayvanın tank parkı əsasən 1000 ədəd köhnə döyüş maşınından ibarətdir.