ABŞ Suriyaya zərbə endirmək üçün Fars Körfəzinə hərbi gəmi göndərib

Bakı. 25 avqust. REPORT.AZ/ ABŞ, Britaniya və Fransa Suriyanın dövlət obyektlərinə zərbə endirmək üçün kimyəvi silah təxribatını bəhanə kimi istifadə edə bilərlər. 

"Report"un "Ria Novosti"yə istinadən verdiyi məlumata görə, bu barədə Rusiya müdafiə nazirliyinin rəsmi nümayəndəsi general-mayor İqor Konaşenkov bildirib.

"Britaniya xüsusi xidmət orqanlarının fəal iştirakı ilə bu təxribatın həyata keçirilməsi ABŞ, Böyük Britaniya və Fransa üçün Suriyanın dövlət və iqtisadi obyektlərinə raket-hava zərbəsinin endirilməsi üçün növbəti bəhanə olmalıdır", - deyə Konaşenkov bəyan edib.

Onun sözlərinə görə, bu məqsədlə bir neçə gün əvvəl Fars Körfəzinə "The Sullivans" hərbu gəmisi, Qətərdəki Əl-Udeyd aviabazasına isə ABŞ-nın В-1В strateji bombardmançı təyyarəsi göndərilib.