ABŞ sərhədində tədbirlərin sərtləşdirilməsinə dair qanun yenidən Senatda səsvermədən keçməyib

ABŞ-ın cənub sərhədində nəzarət tədbirlərini gücləndirən qanun layihəsi yenidən Konqres Senatında səsvermədən keçə bilməyib.

“Report”un məlumatına görə, səsvermə “C-SPAN” tərəfindən yayımlanıb.

Konqresin yuxarı palatasının 43 üzvü hər iki partiyanın nümayəndələri tərəfindən hazırlanmış qanun layihəsinin lehinə, 50-si isə əleyhinə çıxış edib.

Sənədin təsdiqlənməsi üçün ən azı 60 senatorun dəstəyi lazım idi. Qanun layihəsi sərhəddə qaçqınların sayının artacağı təqdirdə miqrantlara sığınacaq vermək imkanını məhdudlaşdırmaq üçün Ağ Evə vəsait ayıracaq.

Fevral ayında o vaxt İsrail və Ukraynaya yardım paketi qanun layihəsinə daxil edilmiş ABŞ-ın cənub sərhədində nəzarət tədbirlərinin gücləndirilməsi təşəbbüsü də Konqres Senatında rədd edilib. Daha sonra qanun layihəsinin lehinə 49 senator, əleyhinə isə 50 senator çıxış edib.