Bakı. 22 yanvar. REPORT.AZ/ ABŞ Senatı üçhəftəlik müvəqqəti büdcə üzrə səsvermənin vaxtının yanvarın 22-si günortaya (Bakı vaxtı ilə 21:00) keçirilməsinə dair qərar qəbul edib.
Bu barədə "Report" RİA "Novosti"yə istinadən xəbər verir.
"Biz hələ irəliyə doğru addım atmaq üçün yol tapmamışıq", - demokratların lideri Çay Şumer bildirib.
Qeyd edək ki, ABŞ-ın federal hakimiyyət orqanları maliyyələşmənin olmamasına görə 2013-ci ildən bəri ilk dəfə fəaliyyətini dayandırıb.
Ağ evdən başverənlərə görə Demokratlar Partiyasının deputatlarının günahkar olduğu bildirilib. Demokratlar isə başverənlərə görə bütün məsuliyyəti ölkə Prezidenti Donald Trampın üzərinə atıblar.