ABŞ qüvvələri Yəməndə husilərə məxsus silah anbarlarına zərbələr endirib

Amerika hərbi qüvvələri Yəmənə növbəti zərbələr endirib.

“Report” xəbər verir ki, bu barədə ABC telekanalı məlumat yayıb.

Qeyd olunub ki, hədəf “Ənsar Allah” hərəkatından olan husilərin silah anbarları olub.

“ABŞ Silahlı Qüvvələrinin Mərkəzi Komandanlığı (CENTCOM) İranın dəstəklədiyi husilərin çoxsaylı silah anbarlarına hava zərbələri endirib”, – Pentaqonun nümayəndəsi telekanala bildirib. O həmçinin vurğulayıb ki, zərbələr husilərin nəzarətində olan Yəmən ərazilərinə endirilib.