ABŞ Dövlət Departamenti Konqresə ölkənin Qrenlandiyada baş konsulluğunun açılması təklifi ilə bağlı məktub göndərib.
"Report" TASS-a istinadən xəbər verir ki, bu barədə məktubun surətinə istinadən "Associated Press" agentliyi bildirib.
Agentliyin məlumatına görə, baş konsulluğun açılması təşəbbüsü Dövlət Departamentinin ABŞ-ın Arktikadakı planlarının artması ilə izah edilir.
Qeyd edilir ki, Amerikanın Qrenlandiyada baş konsulluğu ilk dəfə Danimarkanın nasist işğalı dövründə - 1940-cı ildə açılıb və 1953-cü ildə bağlanıb. ABŞ yeni baş konsulluğunu Nuukedə 2020-ci ildə açmağı planlaşdırır. Nuuke adanın paytaxtıdır. Ərazi Danimarka Krallığının tərkibindədir və geniş muxtariyyət hüquqlarına malikdir.
Daha əvvəl ABŞ prezidenti Donald Tramp bildirib ki, Birləşmiş Ştatlar Qrenlandiyanı almaqda maraqlıdır.