ABŞ Qətər və Küveytə 64 qırıcı təyyarənin satılması barədə qərar qəbul edib

Bakı. 3 sentyabr. REPORT.AZ/ ABŞ Dövlət Departamenti və Müdafiə Nazirliyi Qətər və Küveytə 7 milyard dollarlıq qırıcı təyyarələrin satılması barədə qərar qəbul edib.

"Report" "Reuters"ə istinadən xəbər verir ki, ABŞ bu qərardan sonra Qətərə 4 milyard dollarlıq 36 "F-15", Küveytə isə 3 milyard dollarlıq 28 "F/A18 Super Hornets" qırıcı satacaq.

Məlumata görə, rəsmi Vaşinqton bir müddət əvvəl "Boeing" şirkətinin istehsalı olan "F-15" və "F/A-18" qırıcı təyyarələrini həmin ölkələrə satmaqda tərəddüd edirdi.

Qeyd edək ki, tərəflər arasında bununla bağlı razılıq iki il əvvəl əldə olunub.