ABŞ-ın Federal Təhqiqat Bürosunun (FTB) müstəntiqləri qalıqlarları Merilenddə, Birləşmiş Ştatlar prezidentinin Kemp-Deviddəki şəhərkənarı iqamətgahdan 1 mil məsafədə piyada səkisi yaxınlığında tapılmış naməlum qadının meyitinin şəxsiyyətini müəyyən etməyə çalışırlar.
Bu barədə “Report”
Qeyd edilir ki, ötən şənbə Katoktin-Mauntin parkında səyahətçilər qırmızı idman ayaqqabılarında (krasovka) qadının ayaq sümüyünü aşkar ediblər. Onun meyiti bütöv halda bir gün sonra tapılıb.
Meyitin üzərində heç bir toxuma qalmayıb. Tədqiqatçıların fikrincə, meyit orada 1-6 aya qədər qalıb. O, yüngül geyimdə olub. Bu, onu göstərir ki, qadının ölümü zamanı hava isti imiş.
Naməlum qadın qara idman kostyumunda olub. Meyitin yanında içində açar dəstinin olduğu “Puma” əl çantası tapılıb. Çantada bir neçə brelok var.
Müstəntiqlər hələ onun ölümünün səbəbini müəyyənləşdirməyiblər.
![](https://static.report.az/photo/aaee96f0-c3a5-3d4b-8c9d-bb568f0171c7_300.jpg)
![](https://static.report.az/photo/d9f77c3e-c431-3941-825b-4af9e8563b3c_300.jpg)
![](https://static.report.az/photo/f38e7941-da5e-3e22-86bd-1c2f17042167_300.jpg)