Yuxarı
    Bağlamaq

    ABŞ prezidenti Kubaya səfir namizədini təklif edib

    O, ölkəsinin Havanadakı diplomatik missiyasının əməkdaşıdır

    Bakı. 28 sentyabr. REPORT.AZ/ ABŞ Prezidenti Barak Obama 55 ildən sonra Cefferi Dilaurentistin Kubaya səfir təyin olunmasını təklif edib.

    "Report" BBC-yə istinadən xəbər verir ki, o, ABŞ-ın Kubanın paytaxı Havanadakı diplomatik missiyasının əməkdaşıdır.

    Məlumata görə, onun namizədliyi Respublikaçılar Partiyasının üstünlük təşkil etdiyi Konqres tərəfindən təsdiqlənməlidir. Qeyd edək ki, bu partiyanın üzvləri Kuba ilə münasibətlərin normallaşmasına qarşı çıxır.

    Xatırladaq ki, ABŞ ilə Kuba arasında münasibətlər 2014-cü ilin dekabrından yaxşılaşmağa başlayıb. Həmin tarixdə Barak Obama ölkəsinin Kubaya tətbiq etdiyi embarqonun ləğvi və bu dövlətlə münasibətlərin bərpası haqqında Konqresə müraciət etmişdi. Həmin vaxtdan onlar arasında diplomatik, ticarət və hava nəqliyyatı bərpa edilib, o cümlədən Havana və Vaşinqtonda ölkələrin səfirlikləri açılıb.

    Bu ilin martında isə son 88 ildə ilk dəfə Barak Obama Kubada səfərdə olub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi